әскерлерді қайта топтау

(Перегруппировка войск)

топтарды қайта құру, күшейту мақсатында құрлық әскерлері, авиация, флот күштерінің бірлестіктерін (құрамаларын, бөлімдерін) бір ауданнан екінші ауданға көшіру жолымен әскери қимыл театрында, стратегиялық, операциялық бағытта, қорғаныс (шабуыл) өңірінде әскерлердің (күштердің) орналасуын өзгерту. Ә.к.қ.т. мақсаты мен ауқымы бойынша стратегиялық, оперативтік немесе тактикалық болуы мүмкін және өздігінен жылжуымен (жорықпен), әр түрлі көлік түрлерімен тасымалдау арқылы, аралас тәсілдермен жылжу арқылы жүзеге асырылады. Ә.к.қ.т. кейде маневр деп те аталады. Ә.к.қ.т. әскерлерді (күштерді) маңдайшепті бойлай жылжыту (алмастыру), әскерлерді (күштерді) тереңдіктен маңдайшепке шығару жолымен, сонымен қатар осы тәсілдердің үйлестірілуі арқылы жүзеге асырылуы мүмкін. Стратегиялық ауқымдағы Ә.к.қ.т., әдетте, бір стратегиялық бағыттан басқа бағытқа жүргізіледі. Стратегиялық Ә.к.қ.т. жоғары әскери басшылықтың басқаруымен қарулы күштер көлемінде өтеді. Ә.к.қ.т-дың табысты өтуі оның мұқият ұйымдастырылуына, барлық көлік түрлерімен қамтамасыз етілуіне, әскердің жылдам және жасырын жылжуына, олардың әуеден сенімді қорғалуына, ұқыпты бүркелінуіне, әскерлердің (күштердің) мүлтіксіз және үздіксіз басқарылуына тікелей байланысты.